ایران سے بات چیت کے دروازے بند، اب اُسے نتائج بھگتنا ہوں گے، ٹرمپ

امریکی صدر ٹرمپ نے کہا ہے کہ ایران کو دو ہفتوں سے جوہری معاہدے پر قائل کرنے کی کوشش کررہے تھے مگر اُس نے بات نہ مانی اور اب بہت دیر ہوچکی ہے اس لیے تہران سے کوئی بات نہیں ہوگی۔

انہوں نے کہا کہ اسرائیل کو میں نے حملے جاری رکھنے کی ہدایت کی ہے اور اہم ایران کے خلاف اسرائیل کو سپورٹ کریں گے کیونکہ تہران کا جوہرہ پروگرام پوری دنیا کےلیے خطرہ بن گیا ہے۔

امریکی صدر ڈونلڈ ٹرمپ نے کہا ہے کہ وہ اس بات کے بارے میں یقین سے نہیں کہہ سکتے کہ امریکہ ایران کی جوہری تنصیبات پر حملہ کرے گا یا نہیں البتہ اس حوالے سے صورت حال دیکھ کر فیصلہ کیا جائے گا۔

ٹرمپ نے کہا کہ ایران کا دفاعی نظام ہم نے مکمل تباہ کردیا ہے اور اُسے آئندہ دنوں میں بہت زیادہ مشکلات کا سامنا کرنا پڑے گا تاہم امریکی صدر نے یہ بھی کہا کہ وہ نہیں جانتے جنگ کتنے دن تک جاری رہے گی۔