یوکرینی صدر کے کوٹ پینٹ نہ پہننے پر اعتراض

واشنگٹن: یوکرین کے صدر وولوڈیمیر زیلینسکی سے امریکی صدر سے ملاقات کے دوران صحافی نے پینٹ کوٹ پہن کر نہ آنے کا سوال پوچھا۔

زیلینسکی امریکی صدر ڈونلڈ ٹرمپ اور نائب صدر جے ڈی وینس کے ساتھ ایک اہم ملاقات میں مصروف تھے، اس دوران وائٹ ہاؤس کے ایک رپورٹر کی طرف سے ان کے لباس کے انتخاب پر ایک غیر معمولی سوال کا سامنا کرنا پڑا۔  

یوکرین کے لیے امریکی فوجی امداد کا معاملہ غیر یقینی صورتحال میں ہے، جبکہ ٹرمپ اور زیلینسکی کے درمیان ایک معدنی معاہدے کو یقینی بنانے کے لیے ہونے والی میٹنگ تباہ کن نتائج پر ختم ہوئی۔ 

میٹنگ کے دوران صدر ٹرمپ نے زیلینسکی پر تیسری عالمی جنگ کو جنم دینے کا الزام لگایا، جس سے ماحول مزید کشیدہ ہو گیا۔  

اس دوران، اوول آفس میں موجود صحافی برائن گلین نے زیلینسکی سے پوچھا کہ وہ سوٹ کیوں نہیں پہن رہے ہیں، اور ان کے لباس کو "دفتر کی وقار" کے لیے عدم احترام قرار دیا۔ 

گلین نے سوال کیا، "آپ سوٹ کیوں نہیں پہنتے؟ کیا آپ کے پاس سوٹ ہے؟ بہت سے امریکیوں کو آپ کے دفتر کے وقار کا احترام نہ کرنے پر مسئلہ ہے۔"  

زیلینسکی نے جواب دیا کہ وہ یوکرین میں جنگ ختم ہونے کے بعد سوٹ پہنیں گے۔ انہوں نے کہا، "میں اس جنگ کے ختم ہونے کے بعد سوٹ پہنوں گا۔ شاید آپ جیسا، شاید اس سے بہتر، مجھے نہیں معلوم۔ ہم دیکھیں گے۔ شاید کچھ سستا۔"