4 بچوں کی ماں کا سسر سے معاشقہ، خاتون لڑکے کے والد کے ساتھ بھاگ گئی

بھارت کی ریاست اُتر پردیش کے شہر علی گڑھ سے ایک چونکا دینے والا واقعہ سامنے آیا ہے جہاں ایک 43 سالہ خاتون مبینہ طور پر اپنی بیٹی کے سسر کے ساتھ گھر سے فرار ہوگئی۔ اس واقعے نے مقامی آبادی کو حیرت میں ڈال دیا ہے۔

تفصیلات کے مطابق، خاتون کے شوہر سنیل کمار، جو پیشے کے لحاظ سے ٹرک ڈرائیور ہیں، مہینے میں صرف دو بار گھر آتے ہیں اور اپنی غیر موجودگی میں وہ باقاعدگی سے گھر پیسے بھیجتے تھے۔ سنیل کمار نے بتایا کہ اس کی غیر حاضری کے دوران اس کی بیوی اپنی بیٹی کے سسر، 46 سالہ شیلندر، کو گھر بلاتی تھی۔

خاتون کے بیٹے نے بھی اس بات کی تصدیق کی کہ جب بھی بہن کا سسر ان کے گھر آتا، تو ماں انہیں دوسرے کمرے میں جانے کا کہتی تھی۔ پڑوسیوں کے مطابق، شیلندر اکثر رات کے وقت آتے اور صبح سویرے واپس چلے جاتے تھے۔

رپورٹس کے مطابق، خاتون اور شیلندر نے ممکنہ سماجی مخالفت سے بچنے کے لیے فرار ہونے کا فیصلہ کیا۔ خاتون کے چار بچے ہیں، جن میں سے ایک کی شادی 2022 میں ہوئی تھی۔ شادی کے بعد ہی خاتون اور شیلندر کے درمیان قریبی تعلقات قائم ہوئے تھے۔

واقعے کے بعد سنیل کمار نے مقامی پولیس اسٹیشن میں تحریری شکایت درج کرا دی ہے اور مزید تحقیقات جاری ہیں۔