علی امین گنڈا پور نے نسوار پر ٹیکس لگانے کی مخالفت کردی

خیبرپختونخوا کے وزیر اعلی نے نسوار پر ٹیکس عائد کرنے کی مخالفت کرتے ہوئے کہا ہے کہ یہ غریب لوگ استعمال کرتے ہیں۔

بھٹ منظوری کیلیے صوبائی کابینہ کے اجلاس میں جب علی امین گنڈا پور نے نسوار پر ٹیکس عائد کرنے کی تجویز سنی تو وہ برہم ہوئے اور انہوں نے شدید مخالفت کی۔

اس معاملے پر کابینہ اجلاس میں ایک گھنٹے تک بحث ہوئی مگر وزیر اعلی کو کوئی قائل نہیں کرسکا۔ انہوں نے نسوار پر ٹیکس عائد کرنے کی مخالف کرتے ہوئے کہا کہ یہ غریب لوگ استعمال کرتے ہیں لہذا نسوار پر کوئی ٹیکس نہ لگایا جائے۔

خیبر پختونخوا حکومت آج 1754 ارب روپے کا بجٹ پیش کرنے جا رہی ہے، جس میں صوبے کے اخراجات 1654 ارب روپے ہوں گے اور صوبائی حکومت کا بجٹ ایک سو ارب روپے سرپلس ہوگا۔

بجٹ میں سرکاری ملازمین کی تنخواہوں میں 10 فیصد اضافے جبکہ پنشن میں بھی اتنے ہی اضافے کی تجویز کی گئی ہے۔ جبکہ مزدور کی کم سے کم اجرت کو 36 ہزار روپے کرنے کی منظوری دی گئی ہے۔