دیوا پر چپکا کیلا 1 ارب 72 کروڑ روپے سے زائد رقم میں فروخت

ایک بظاہر عام کیلا جسے دیوار پر ٹیپ کے ساتھ لگایا تھا اُسے 1 ارب 72 کروڑ 23 لاکھ روپے میں نیلام کردیا گیا ہے۔

موریزیو کیٹیلان کے 'کامیڈین' کے عنوان سے آرٹ ورک کا حصہ بننے والے اس انوکھے کیلے کی نیلامی کی تقریب نیویارک کے سوتھبیز میں ہوئی جہاں چین سے تعلق رکھنے والے کرپٹو کرنسی کی کمپنی کے مالک جسٹس سن نے سب سے زیادہ بولی لگائی۔

چین سے تعلق رکھنے والے کرپٹو کرنسی کے مالک اور کاروباری شخصیت ایگزیکٹیو جسٹن سن نے کیلا اتنا مہنگا خریدنے کی انوکھی وجہ بیان کیا اور لکھا کہ ’یہ صرف ایک آرٹ ورک نہیں ہے بلکہ یہ ایک ثقافتی رجحان کی نمائندگی کرتا ہے جو آرٹ، میمز اور کریپٹو کرنسی کمیونٹی کی دنیا کو جوڑتا ہے،"۔

سب سے پہلے 2019 میں جب اسے ہلکی سفید دیوار پر سرمئی رنگ کے ٹیپ کے ساتھ چپکایا گیا تھا تو لوگوں نے اس کا خوب مذاق بنایا تھا۔ آرٹ ورک میں دکھایا گیا کیلا دراصل پانچ سال پرانا نہیں ہے۔

فن پارے کی ہر نمائش کے لیے تازہ کیلے مخصوص کیے گئے ہیں اور یہ تیسرا موقع ہے جب آرٹ ورک نمائش کے لیے پیش کیا گیا ہے۔ پہلی نمائش میں کیلے کو پرفارمنس آرٹسٹ ڈیوڈ ڈیٹونا نے کھایا، جس نے میامی شو میں اس کا معائنہ کرتے ہوئے کہا کہ وہ "بھوکے" تھے۔

تاہم، کیلے نے اس بارے میں بحث چھیڑ دی ہے کہ کیا اسے بالکل بھی آرٹ سمجھا جانا چاہیے۔ کرپٹو ایکسچینج ٹرون کے بانی سن، اسے ایک گہرے فنی بیان کے طور پر دیکھتے ہیں۔

کیلے کے نئے مالک نے کہا کہ "مجھے یقین ہے کہ یہ ٹکڑا مستقبل میں مزید غور و فکر اور بحث کی گنجائش پیدا کرے گا اور تاریخ کا حصہ بن جائے گا۔ مجھے کیلے کا قابل فخر مالک ہونے کا اعزاز حاصل ہے اور میں اس بات کا منتظر ہوں کہ یہ دنیا بھر کے آرٹ کے شائقین کے لیے مزید الہام اور اثر پیدا کرے ‘‘۔

 آنے والے دنوں میں، میں ذاتی طور پر اس کیلے کو کھاؤں گا، تاریخی فن اور مقبول ثقافت دونوں کے طور پر اس کی جگہ کا احترام کرتے ہوئے،"