عالمی منڈی میں سونا سستا، مقامی بازار میں بھی قیمت کم ہوگئی، چاندی مہنگی

عالمی بلین مارکیٹ میں سونے کی قیمت میں معمولی کمی کے بعد مقامی صرافہ بازار میں بھی نرخ نیچے آ گئے۔ بین الاقوامی مارکیٹ میں فی اونس سونا 5 ڈالر سستا ہونے کے بعد 4 ہزار 55 ڈالر پر آ گیا۔

عالمی قیمتوں میں کمی کے اثرات مقامی مارکیٹ پر بھی دیکھنے میں آئے، جہاں فی تولہ سونے کی قیمت 500 روپے کم ہو کر 4 لاکھ 27 ہزار 936 روپے ہوگئی۔

10 گرام سونے کی قیمت 428 روپے کی کمی کے بعد 3 لاکھ 66 ہزار 886 روپے ریکارڈ کی گئی۔

دوسری جانب چاندی کی قیمت میں اضافہ دیکھنے میں آیا۔ مقامی صرافہ بازار میں فی تولہ چاندی 60 روپے مہنگی ہو کر 6 ہزار 351 روپے تک پہنچ گئی، جبکہ 10 گرام چاندی کی قیمت 51 روپے اضافے کے بعد 5 ہزار 444 روپے ہوگئی۔