رمشا خان کی بہن کے روایت سے ہٹ کر نکاح نے توجہ سمیٹ لی

لاہور:پاکستانی اداکارہ رمشا خان کی بہن علیشا خان کی شادی کی تقریبات سوشل میڈیا پر توجہ کا مرکز بنی ہوئی ہیں لیکن سب سے زیادہ اداکارہ کی بہن کے نکاح کی ویڈیو نے توجہ سمیٹی۔

دن میں ہونے والی نکاح کی تقریب کے دوران معروف شوبز شخصیات نے شرکت کی، وہیں دلہن کی بہن رمشا اور ان کے شوہر اداکار خوشال خان خٹک کی غیر موجودگی سب نے محسوس کی۔

 اب تک واضح نہیں کہ آیا یہ جوڑا شادی میں شریک نہ تھا یا ان کی کوئی تصویر سامنے نہیں آسکی البتہ علیشا خان کی جانب سے نکاح کے وقت روایتی قبول ہے کے بجائے انگریزی زبان میں رضامندی کا اظہار کیا گیا۔