عالمی مارکیٹ میں بڑی کمی کے باوجود پاکستان میں سونا مزید مہنگا

پاکستان کے مقامی صرافہ بازاروں  ہفتے کے روز فی تولہ سونے کی قیمت میں 1 ہزار روپے کا اضافہ ریکارڈ کیا گیا ہے۔

تفصیلات کے مطابق بین الاقوامی بلین مارکیٹ میں فی اونس سونے کی قیمت 13ڈالر کی کمی سے 2503ڈالر کی سطح پر آگئی اس کے باوجود پاکستان میں فی تولہ اور دس گرام کی قیمتوں میں تبدیلی کے بجائے اضافہ ہوا ہے۔

ایسوسی ایشن کے مطابق ہفتے کو 24 قیراط کے حامل فی تولہ سونے کی قیمت 1000روپے کے اضافے سے 262500روپے کی سطح پر آگئ،

اسی طرح  فی  دس گرام سونے کی قیمت 857روپے کے اضافے سے 225051روپے کی سطح پر آگئی۔ دوسری جانب   فی تولہ چاندی کی قیمت بغیر کسی تبدیلی کے 2950روپے اور  دس گرام چاندی 2529.14روپے کی سطح پر مستحکم رہی۔