عوام کیلیے بڑی خوش خبری، پیٹرولیم مصنوعات کی قیمتوں میں نمایاں کمی کا امکان

عوام کیلیے خوش خبری یہ ہے کہ فروری کے اگلے 15 روز کیلیے پیٹرولیم مصنوعات کی قیمتوں میں نمایاں کمی کا امکان ہے۔

تفصیلات کے مطابق اوگرا نے عالمی منڈی میں خام تیل کی قیمتیں گرنے کو مدنظر رکھتے ہوئے حکومت سے پیٹرولیم مصنوعات کی قیمتوں میں کمی کی سفارش کی ہے۔

اوگرا نے ہائی اسپیڈ ڈیزل کی قیمت میں 9 روپے 11 پیسے، پیٹرول کی قیمت میں 2 روپے 50 پیسے فی لیٹر تک کمی کی تجویز ارسال کی ہے۔

اسی طرح، مٹی کے تیل کی قیمت میں 3 روپے 45 پیسے اور لائٹ ڈیزل کی قیمت میں 5 روپے 60 پیسے تک کمی کا امکان ہے۔ 

اوگرا کی جانب سے بھیجی گئی سمری پر وزیراعظم فیصلہ کریں گے جس کے بعد اگلے 15 روز کیلیے قیمتوں کا اعلان وزارت خزانہ کی جانب سے کیا جائے گا۔