حکومت کا پیٹرول کی قیمت میں بڑے اضافے کا فیصلہ

وزیر اعظم شہباز شریف کی زیر قیادت حکومت کی جانب سے اگلے پندرہ دن تک پیٹرولیم مصنوعات کی قیمتوں میں 10 روپے فی لیٹر تک اضافے کی تیاری کی جارہی ہے۔

 محکمہ پیٹرولیم کے باوثوق ذرائع کے مطابق پیٹرول کی قیمت میں 9 روپے 50 پیسے فی لیٹر اضافے کا امکان ہے جب کہ ڈیزل کی قیمت میں 0 روپے 86 پیسے فی لیٹر اضافے کا امکان ہے۔

 اطلاعات کے مطابق متوقع اضافہ عالمی منڈی میں اضافے اور آئی ایم ایف کی جانب سے عائد شرائط کی روشنی میں مرحلہ وار کیا جارہا ہے۔

 16 مارچ کو پچھلے پندرہ دن کیلیے حکومت نے پیٹرول کی قیمت کو برقرار رکھنے کا فیصلہ کیا تھا۔

 تاہم، ہائی اسپیڈ ڈیزل (HSD) کی قیمت میں 1.77 روپے فی لیٹر کی کمی کی گئی تھی جس کے بعد پٹرول اور ڈیزل کی موجودہ قیمتیں بالترتیب 279.75 روپے اور 285.56 روپے فی لیٹر پر آئیں۔

 وزارت خزانہ نئی قیمتوں کا اعلان یکم اپریل کی رات وزیر اعظم شہباز شریف سے مشاورت کے بعد کرے گی۔