نئے قرض پروگرام کیلیے پاکستان اور آئی ایم ایف کا اسٹاف لیول معاہدہ

تمام شرائط ماننے اور غریبوں پر ٹیکسز کا بوجھ ڈالنے کے بعد پاکستان اور آئی ایم ایف کے درمیان اسٹاف لیول معاہدہ طے پاگیا ہے۔

آئی ایم ایف کے ساتھ نئے اسٹاف لیول معاہدے کے تحت پاکستان کو 7 ارب ڈالر 37 ماہ کے عرصہ میں ملیں گے۔ 

آئی ایم ایف پاکستان سے 37 ماہ کیلئے قرض پروگرام پر آمادہ ہوا، پروگرام کی حتمی منظوری آئی ایم ایف کا ایگزیکٹو بورڈ دے گا۔

امید ظاہر کی جارہی ہے کہ اگست کے پہلے ہفتے میں پاکستان کو قرض دینے کی منظوری بھی مل جائے گی۔