اشیائے ضروریہ، گوشت کے تاجروں سے ٹیکس لینے کا فیصلہ

ٹیکس کی وصولی کو بڑھانے کے لیے فیڈرل بورڈ آف ریونیو (ایف بی آر) یکم اپریل سے "تاجر دوست اسکیم" شروع کرنے کا اعلان کردیا جس کے تحت پانچ کام کرنے والے چھوٹے تاجروں سے بھی ٹیکس لیے جائیں گے۔

ایف بی آر نے وزیر خزانہ محمد اورنگزیب کی منظوری سے ٹیکس وصولی کے لیے کراچی، لاہور، پشاور، کوئٹہ، اسلام آباد اور راولپنڈی کے تاجروں کو شامل کرنے کے لیے جولائی سے رجسٹریشن مہم شروع کرنے کا فیصلہ کیا ہے۔

ان تاجروں میں ہول سیلرز، ڈیلرز، ریٹیلرز، فرنیچر اور ڈیکوریشن شو رومز، جیولرز، کاسمیٹکس اسٹورز، گروسری، میڈیکل اور ہارڈویئر اسٹورز، گوشت کی دکانیں، سبزیوں اور پھلوں کی دکانیں، موٹر گاڑیوں کے شوروم، کھاد، کیڑے مار دوا اور کیمیکل ڈیلر شامل ہیں۔

ذرائع کے مطابق وزیر خزانہ کی جانب سے اسکیم کو شروع کرنے کا باضابطہ نوٹیفکیشن جاری کرنے کے بعد اس اقدام کو شروع کیا جائے گا۔ مینوفیکچرر کم خوردہ فروش، درآمد کنندہ اور خوردہ فروش اور سپلائی چین کے کاروبار سے وابستہ تمام افراد کو بھی ٹیکس نیٹ میں شامل کیا جائے گا۔

تاجر انکم ٹیکس آرڈیننس 2001 کے سیکشن 181 کے تحت متعدد چینلز بشمول ٹیکس آسان ایپ، ایف بی آر ویب پورٹل، یا ایف بی آر کے ٹیکس سہولت مراکز پر جا کر اس سکیم کے لیے رجسٹر کر سکتے ہیں۔

جن دکانداروں نے 30 اپریل کی آخری تاریخ تک رجسٹریشننہیں کرائی انہیں قانونITO 2001 کی دفعہ 182 کے تحت جرمانے کا سامنا کرنا پڑے گا۔

حکومت نے FBR اسکیم کو تاجروں کے لیے صارف دوست بنانے کے لیے ڈیزائن کیا ہے، رجسٹریشن کے دوران ٹیکس وکیل کی ضرورت کو ختم کرتے ہوئے ٹیکس آسان ایپ کو اردو میں بھی استعمال کیا جا سکتا ہے۔

اگر کوئی شخص سالانہ ایڈوانس ٹیکس یکمشت ادا کرنے کا انتخاب کرتا ہے، تو اسے ماہانہ ایڈوانس ٹیکس کی رقم پر 25 فیصد رعایت کی پیشکش کی جائے گی۔

نان فائلرز جو 15 جولائی 2024 سے پہلے اپنا انکم ٹیکس ریٹرن رجسٹر اور فائل کرتے ہیں، وہ اپنی ایڈوانس ٹیکس کی ادائیگیوں پر 25 فیصد رعایت کے اہل ہوں گے۔

نان فائلرز کے لیے ڈسکاؤنٹ بڑھا کر 50% کر دیا جائے گا جو تمام 12 ماہ کا ایڈوانس ٹیکس یکمشت ادا کرتے ہیں۔