اسٹیٹ بینک نے عید الفطر کی تعطیلات کا اعلان کردیا

اسٹیٹ بینک آف پاکستان نے عید الفطر کے موقع پر لمبی تعطیلات کا اعلان کردیا۔

اسٹیٹ بینک آف پاکستان (SBP) کے اعلان کے مطابق عید الفطر کی تقریبات کے لیے بینک اور مالیاتی ادارے 10 اپریل سے 12 اپریل تک بند رہیں گے۔

نوٹی فکیشن کے مطابق پاکستان کے تمام سرکاری و کمرشل بینک، مائیکرو فنانس ادارے بھی 10 سے 12 اپریل تک بند رہیں گے۔ 

اس کے علاوہ جو برانچز ہفتے اور اتوار کو بند ہوتی ہیں وہ 10 اپریل کے بعد 15 سے دوبارہ کھلیں گی۔

کیبنٹ ڈویژن کی طرف سے یہ اعلان پریس انفارمیشن ڈیپارٹمنٹ (PID) کے پرنسپل انفارمیشن آفیسر محمد عاقب گلزار کے دستخط شدہ نوٹیفکیشن کے ساتھ تھا۔

محکمہ موسمیات کے مطابق عیدالفطر 10 اپریل کو شروع ہونے کا امکان ہے، شوال کا چاند 9 اپریل کو نظر آنے کا امکان ہے۔

پاکستان کے محکمہ موسمیات (پی ایم ڈی) نے کہا کہ چاند کی پیدائش 8 اپریل کو رات 11 بجکر 21 منٹ پر ہوگی اور اس کی عمر اگلے دن نماز مغرب کے قریب 19 سے 20 گھنٹے کے درمیان ہوگی۔

چاند غروب آفتاب کے ارد گرد 50 منٹ سے زیادہ تک دیکھا جا سکتا ہے۔