سونے کی قیمت ملکی تاریخ کی بلند ترین سطح پر پہنچ گئی

بلین مارکیٹ میں قیمت بڑھنے کے باعث پاکستان میں فی تولہ سونے کا بھاؤ ملکی تاریخ کی بلند ترین سطح پر پہنچ گیا۔

تفصیلات کے مطابق عالمی مارکیٹ میں سونے کی قیمت میں 44 ڈالر کا اضافہ ہوا جس کے بعد قیمت 2330 ڈالر فی اونس پر پہنچ گئی۔

عالمی مارکیٹ میں اضافے کے باعث مقامی صرافہ بازاروں میں ہفتے کے روز 4 ہزار 900 روپے فی تولے کا اضافہ ہوا جس کے بعد قیمت 2 لاکھ 45 ہزار 100 روپے کی سطح پر پہنچ گئی۔

اسی طرح فی دس گرام سونے کا بھاؤ بھی 4200 روپے بڑھ کر 2 لاکھ 10 ہزار 134 روپے پر پہنچ گیا۔