سونے کی قیمت ایک نئی بلندی پر پہنچ گئی

عالمی اور مقامی مارکیٹوں میں سونے اور چاندی کی قیمتوں میں ایک بار پھر نمایاں اضافہ ریکارڈ کیا گیا ہے، جس کے باعث دونوں دھاتیں اپنی بلند ترین سطح پر پہنچ گئی ہیں۔

بین الاقوامی بلین مارکیٹ میں فی اونس سونے کی قیمت مزید 65 ڈالر اضافے کے بعد 4 ہزار 988 ڈالر کی نئی ریکارڈ سطح پر جا پہنچی۔

ملکی صرافہ مارکیٹ میں بھی سونے کے دام بڑھ گئے، جہاں فی تولہ سونے کی قیمت 6 ہزار 500 روپے اضافے سے 5 لاکھ 21 ہزار 162 روپے ہو گئی۔ اسی طرح فی دس گرام سونا 5 ہزار 573 روپے مہنگا ہو کر 4 لاکھ 46 ہزار 812 روپے میں فروخت ہوا۔

چاندی کی قیمتوں میں بھی نمایاں تیزی دیکھی گئی۔ فی تولہ چاندی کی قیمت 526 روپے اضافے کے بعد 10 ہزار 801 روپے کی نئی بلند سطح پر پہنچ گئی، جبکہ فی دس گرام چاندی 451 روپے مہنگی ہو کر 9 ہزار 260 روپے کی سطح پر آ گئی۔