سونے کی قیمتوں میں اتار چڑھاؤ جاری، فی تولہ قیمت میں کمی

کراچی : ملک بھر میں سونے کی قیمتوں میں اتار چڑھا ؤجاری ہے، جمعہ کو سونے کے نرخوں میں 1500 روپے کی کمی دیکھی گئی ہے۔

آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 1500 روپے کی کمی کے بعد 3 لاکھ 55 ہزار 700 روپے کا ہوگیا۔

اسی طرح 10 گرام سونے کی قیمت 1 ہزار 286 روپے کی کمی سے 3 لاکھ 4 ہزار 955 روپے ہوگئی۔ایسوسی ایشن کے مطابق عالمی بازار میں سونے کا بھاو 15 ڈالرز کم ہو کر 3 ہزار 330 ڈالرز فی اونس ہوگیا۔