حکومت کا ریٹائرڈ ججز پر احتساب کا شکنجہ کسنے کی تیاری

حکومت نے کرپشن یا دیگر الزامات اور کارروائی سے بچنے کے لیے ریٹائر ہونے والے ججز کے احتساب کا فیصلہ کرتے ہوئے ایک قانونی حربہ کھیلنے کا فیصلہ کیا ہے۔

جسٹس قاضی فائز عیسیٰ کی زیر صدارت سپریم جوڈیشل کونسل کے اجلاس میں حکومتی نمائندے نے اراکین کو بتایا کہ حکومت ریٹائرڈ ججز کے خلاف احتساب یا کارروائی نہ کرنے کے قانون کو چلینج کرنے جارہی ہے۔

واضح رہے کہ یہ فیصلہ ایک ایسے وقت میں ہوا ہے جبکہ آمدن سے زائد اثاثے بنانے کے الزام میں تین روز قبل سپریم کورٹ کے جج جسٹس مظاہر نقوی نے اپنے عہدے سے استعفیٰ دیا جس پر چیف جسٹس نے بھی تنقید کرتے ہوئے کہا تھا کہ ایسا نہیں ہوسکتا کوئی جج ادارے کی ساکھ کو خراب کرے اور پھر ریٹائر ہوکر تمام مراعات سے فائدہ اٹھائے۔