شہریوں کو عید پر پکنک منانا مہنگا پڑ گیا، شہد کی مکھیوں کاحملہ

منڈی بہاء الدین کے علاقے ملکوال میں عید پر پکنک منانا شہریوں کو مہنگا پڑ گیا، پارک میں شہریوں پر شہد کی مکھیوں نے حملہ متعدد افراد کو زخمی کردیا۔

ریسکیو حکام کا اس حوالے سے کہنا ہے کہ نواز شریف پارک میں شہد کی مکھیوں نے متعدد افراد زخمی کردیا، پکنک پر آئے بچوں نے شرارت کی اور چھتے پر کچھ مارا، جس کے باعث شہد کی مکھیوں نے حملہ کیا۔

حکام کا کہنا ہے کہ شہد کی مکھیوں کے حملے میں متعدد افراد زخمی ہوگئے ہیں، جنہیں اسپتال منتقل کیا گیا ہے۔

میونسپل کمیٹی کے مطابق شہد کی مکھیوں کے باعث پارک کو عارضی طور پر بند کردیا گیا ہے، جسے اسپرے کے بعد عوام کے لئے دوبارہ کھول دیا جائے گا۔