ایرانی حملے کے بعد اسرا ئیل کو ایک ہی روز میں 14 ارب ڈالرز کا نقصان

 ایرانی کی جانب سے فائر کردہ میزائل اسٹاک ایکسچینج کی عمارت پر لگنے اور اس کے تباہ ہونے پر انڈیکس مارکیٹ تنزلی کا شکار ہوگئی۔

تل ابیب کے معاشی ماہرین کے مطابق حملے کے بعد مارکیٹ میں خرید و فروخت بند ہوئی جبکہ ایک ہی دن میں نیتن یاہو کی حکومت کو 14 ارب ڈالرز کے بڑے خسارے کا سامنا کرنا پڑا۔

معاشی مبصرین کا کہنا ہے کہ غزہ جنگ شروع ہونے کے بعد بھی کبھی اسرا ئیل کو اتنے بڑے معاشی نقصان کا سامنا کرنا نہیں پڑا ہے۔

دوسری جانب ایرانی حملے کے خوف کے باعث 5ہزار سے زائد اسرا ئیلی گھر چھوڑ گئے۔

بین الاقوامی میڈیا رپورٹ کے مطابق ایران کے جوابی ردعمل اور جانی نقصان کے خوف سے 5 ہزار 110 اسرا ئیلی گھروں کو چھوڑ کر چلے گئے ہیں۔

اسرائیلی وزارت داخلہ نے تصدیق کی کہ گھروں کو چھوڑنے والوں میں سے تل ابیب سے 1 ہزار رہائشی بھی شامل ہیں اور وہ اب واپس گھر جانے کو تیار نہیں ہیں