اداکار شان کی گاڑی محکمہ ایکسائز نے روک لیا

 پاکستانی اداکار شان کو چیکنگ کے دوران ایکسائز اہکاروں نے روک لیا۔

لاہور کے لبرٹی چوک پر بغیر ٹیکس گاڑیوں کیخلاف کریک ڈاؤن کے سلسلے میں محکمہ ایکسائز کے اہلکاروں نے ناکہ لگایا۔

اس دوران اہلکاروں نے ایک گاڑی کو ہاتھ دیا جس میں معروف پاکستانی اداکار شان موجود تھے۔

گاڑی رکنے کے بعد اہلکاروں نے شان کو پہچان تو لیا البتہ انہوں نے اپنا کام کیا اور گاڑی کا نمبر پلیٹ ڈال کر ٹیکس ادائیگی کا اسٹیٹس چیک کیا۔

محکمہ ایکسائز کے ریکارڈ میں ظاہر ہوا کہ شان نے رواں سال گاڑی کا ٹیکس ادا کیا ہوا ہے جس پر انہیں جانے کی اجازت دے دی گئی۔

البتہ روانگی سے قبل شان نے عوام سے اپیل کی کہ وہ بغیر ٹوکن، ٹیکس ادا نہ کرنے، غیر رجسٹرڈ گاڑیوں اور بغیر نمبر پلیٹ والی گاڑیاں چلانے سے گریز کریں۔ اداکار نے کہا کہ عوام ٹیکس ادا کریں کیونکہ پاکستان ٹیکس سے ہی چل رہا ہے اور ہم سب کو مل کر اس ملک کو آگے لے کر جانا ہے۔