بیٹی کے الزامات پر شمعون عباسی کا جواب

پاکستانی اداکار شمعون عباسی نے اپنی بیٹی انزیلا عباسی کے حالیہ بیان پر ردِ عمل دے دیا ہے، جس میں انہوں نے والد کو اپنی زندگی میں "غیر موجود" قرار دیا تھا۔

ایک پوڈکاسٹ میں گفتگو کرتے ہوئے انزیلا نے کہا تھا کہ ان کے بچپن اور نوجوانی کے اہم برسوں میں والد ان کے ساتھ نہیں تھے، جبکہ والدہ جویریہ عباسی نے دونوں کردار نبھائے، اسی لیے انہیں کبھی احساسِ محرومی نہیں ہوا۔

بیٹی کے اس بیان کے بعد شمعون عباسی نے فیس بک پر انزیلا کے ساتھ اپنی مختلف تصاویر شیئر کیں اور کیپشن میں طنزیہ انداز میں لکھا کہ "دی ایبسنٹ فادر" یعنی ’غیر حاضر باپ‘۔

خیال رہے کہ شمعون عباسی اور جویریہ عباسی نے ماضی میں ایک دوسرے کے خلاف کوئی تلخ بات سامنے نہیں آنے دی، تاہم انزیلا کی شادی میں والد کی شرکت نہ کرنے پر دونوں کے درمیان کشیدگی کی خبریں گردش کرتی رہی تھیں۔