گلوکار بلال سعید کا حافظ قرآن ہونے کا انکشاف

معروف پاکستانی گلوکار بلال سعید نے ایک پروگرام میں انکشاف کیا ہے کہ وہ حافظ قرآن ہیں۔

حال ہی میں بلال سعید نے ایک شو میں بطور مہمان شرکت کی، جہاں انہوں نے انکشاف کیا کہ وہ حافظِ قرآن ہیں تاہم بعد میں انہوں نے گلوکاری کو بطور پیشہ اختیار کیا۔

 بلال سعید نے بتایا کہ ان کے والد نے انہیں اس فیصلے کی اجازت دی کیونکہ وہ نہیں چاہتے تھے کہ بلال کسی موقع سے محروم رہیں۔

گلوکار نے کہا کہ جب وہ سیالکوٹ جاتے ہیں تو انہیں عجیب سا محسوس ہوتا ہے کہ کہیں ان کے قاری استاد انہیں گلوکاری کرتے نہ دیکھ لیں۔

انہوں نے کہا کہ بھارتی انڈسٹری میں چاہے کوئی سپر اسٹار ہو یا جونیئر آرٹسٹ، سب کو اپنے معاہدوں کی مکمل پاسداری کرنی ہوتی ہے جوکہ ایک اچھا اصول ہے۔