سابق اہلیہ کی دوسری شادی کے بعد عمران اشرف نے اپنی کل کائنات کے ساتھ تصویر شیئر کردی

پاکستانی اداکار عمران اشرف کا نام ایک بار پھر خبروں کی زینت دو روز قبل اُس وقت بنا جب اُن کی سابق اہلیہ کرن اشفاق نے اپنی دوسری شادی کی تصاویر شیئر کر کے تصدیق کی۔

واضح رہے کہ عمران اشرف اور کرن کے درمیان چند ماہ قبل ہی علیحدگی ہوئی ہے اور دونوں نے اپنے راستہ جدا کرنے کا اعلان کیا جبکہ بیٹا اداکار کے پاس ہی ہے۔

کرن اشفاق کی دوسری شادی کی خبروں کے بعد عمران اشرف نے اپنے بیٹے روحام کے ساتھ تصویر شیئر کی جس میں بیٹا سو رہا تھا۔ اداکار نے بیٹے کو اپنی کُل کائنات قرار دیا۔

اس پر مداحوں نے عمران اشرف سے ہمدردی کا اظہار کیا اور انہیں حوصلہ رکھنے کی بھی تاکید کی۔ اس مداح نے لکھا کہ پہلے طلاق دی ہے تو اب رونا دھونا کیوں کررہے ہو۔ اس پر اداکار نے مداح کو جواب میں لکھا کہ وہ خود اپنی سابق اہلیہ کیلیے دعا کرتے ہیں ۔ انہوں نے اپیل کی کہ آپ بھی دعا کیا کریں۔