امیتابھ بچن نے شاہ رخ خان کو پیچھے چھوڑ دیا، ٹیکس کتنا ادا کیا؟ جان کر آپ حیران رہ جائیں گے

بھارت کے لیجنڈری اداکار امیتابھ بچن نے مالی سال 2024-25 میں 350 کروڑ روپے کی ریکارڈ کمائی کر کے ایک بار پھر اپنی کامیابی کا لوہا منوایا ہے۔

قابل ذکر آمدنی پر امیتابھ بچن نے بھارت کو 120 کروڑ روپے کا ٹیکس ادا کیا اور اسی کے ساتھ وہ ملک کے سب سے زیادہ ٹیکس دینے والے شہری بن گئے۔

82 سالہ امیتابھ بچن نے فلمی صنعت، ٹی وی شوز، اور برانڈ اینڈورسمنٹس کے ذریعے یہ شاندار کمائی کی۔ وہ مشہور ٹی وی شو "کون بنے گا کروڑ پتی" کے میزبان کے طور پر بھی مقبول ہیں، جو ان کی آمدنی کا ایک اہم ذریعہ ہے۔  

رپورٹس کے مطابق، امیتابھ بچن نے 15 مارچ کو 52.50 کروڑ روپے کی ایڈوانس ٹیکس ادائیگی کی، جو ان کی مالی ذمہ داریوں کے ساتھ سنجیدگی کو ظاہر کرتا ہے۔

ان کی بروقت ٹیکس ادائیگی نے انہیں بھارتی شہریوں کے لیے ایک رول ماڈل بنا دیا ہے۔  امیتابھ بچن کے مالی اثاثوں کے بارے میں ماضی کی رپورٹس کے مطابق، ان کے پاس کل 2 ارب 73 کروڑ 74 لاکھ 96 ہزار 590 روپے کے اثاثے ہیں۔

ان کے پاس 55 کروڑ روپے کے زیورات اور 16 گاڑیاں ہیں، جن کی مجموعی مالیت 17.66 کروڑ روپے ہے۔  

امیتابھ بچن کی یہ کامیابی نہ صرف ان کی محنت اور لگن کو ظاہر کرتی ہے، بلکہ وہ فلمی صنعت میں اخلاقی معیار اور مالی شفافیت کے لیے بھی مشہور ہیں۔

بھارتی میڈیا رپورٹ کے مطابق شاہ رخ خان نے 92 کروڑ بھارتی روپے ٹیکس ادا کیا ہے۔