انتقام کو اپنا جائز حق اور فرض سمجھتے ہیں، مسعود پزشکیان

تہران: ایران کے صدر مسعود پزشکیان کا کہنا ہے کہ انتقام کو اپنا جائز حق اور فرض سمجھتے ہیں، انتقام کا فرض اداکرنے کی ہر ممکن کوشش کریں گے۔

غیر ملکی میڈیا رپورٹس کے مطابق مسعود پزشکیان نے کہا کہ آیت اللہ خامنہ ای کی شہادت مسلمانوں کیخلاف اعلان جنگ ہے۔

دوسری جانب ایران کے وزیر خارجہ عباس عراقچی نے آیت اللہ خامنہ ای کی شہادت پر تعزیتی پیغام میں کہا کہ آیت اللہ خامنہ ای ثابت قدم، تدبیر میں عمیق اور راہِ حق میں استقامت کے پیکر تھے۔

عباس عراقچی نے کہا کہ آیت اللہ خامنہ ای عزت، حکمت اور استقامت کا ایک دائمی ورثہ چھوڑ گئے،ایسی عظیم شخصیت کی شہادت بلاشبہ ایک بڑا نقصان اور دل خراش غم ہے،جو پرچم آیت اللہ خامنہ ای نے بلند کیا، اسے مزید بلندیوں تک پہنچائیں گے۔