راجہ بشارت ڈیپ فیک ویڈیو کا شکار ہوگئے

پاکستان تحریک انصاف کے رہنما اور سابق صوبائی وزیر راجہ بشارت کی سوشل میڈیا پر ایک ویڈیو وائرل ہوئی جس میں وہ الیکشن سے دستبرداری کا اعلان کررہے ہیں۔

یہ ویڈیو انٹرنیٹ پر بہت تیزی کے ساتھ وائرل ہوئی اور صارفین سمجھے کہ وہ حلقہ این اے 55 سے اب دسبتردار ہورہے ہیں۔

ویڈیو وائرل ہونے کے بعد راجہ بشارت نے اپنی اصل ویڈیو جاری کی اور بتایا کہ اس سے قبل وائرل ہونے والی ویڈیو آرٹیفیشل انٹیلی جنس کی مدد سے بنائی گئی ہے۔

انہوں نے واضح کیا کہ میری فیک ویڈیو وہ لوگ پھیلا رہے ہیں جنہیں اپنی شکست کا یقین ہوچکا ہے، میں این اے 55 سے پی ٹی آئی کا امیدوار تھا اور انشاء اللہ بھاری اکثریت سے فتح حاصل کروں گا۔