کانگو وائرس کے مزید دو کیسز رپورٹ

بلوچستان میں کانگو وائرس تیزی سے پھیل رہا ہے اور چوبیس گھنٹوں کے دوران مزید دو افراد میں وائرس کی تصدیق ہوئی ہے۔

محکمہ صحت بلوچستان کے مطابق فاطمہ جناح اسپتال میں دو مریض لائے گئے جن کا تعلق کوئٹہ اور چمن سے ہے اور دونوں کو کانگو کی تصدیق ہوئی ہے۔ 

اعلامیے کے مطابق دونوں مریضوں کی حالت خطرے سے باہر ہے تاہم دونوں زیر علاج ہیں۔

محکمہ داخلہ کے مطابق صوبے میں رواں سال کانگو سے اب تک 32 افراد متاثر ہوئے جن میں سے 8 افراد جاں بحق ہوئے ہیں۔ گزشتہ روز کچلاک کے 23 سالہ عبدالخالق وائرس کی وجہ سے انتقال کرگئے تھے۔