خسرہ کی وبا پھیلنے لگی، پانچ بچے دم توڑ گئے

سندھ کے ضلع ٹنڈوالہیار کے گاؤں میں خسرے کی وبا شدت اختیار کرنے لگی جس کے باعث اب تک پانچ بچے جاں بحق ہوچکے ہیں۔

تفصیلات کے مطابق ٹنڈوالہیار کے گاؤں چندرو میئو میں خسرے میں مبتلا دو بچے ہفتے کے روز انتقال کرگئے۔

اب تک صرف ایک گاؤں میں چند ماہ کے دوران خسرہ سے مرنے والے بچوں کی تعداد پانچ تک پہنچ گئی جبکہ گاؤں کے مکینوں کا کہنا ہے کہ چار بچوں کی حالت تشویشناک ہے۔

رپورٹ کے مطابق خسرہ سے ہفتے کے روز پانچ سالہ عاطف اور دو سالہ عدنان زندگی کی بازی ہار گئے۔ مکینوں نے حکومت سے مطالبہ کیا ہے کہ وہ اس حوالے سے اقدامات کرے کیونکہ انہیں علاج کی سہولیات میسر نہیں ہے۔