لکی مروت اور شمالی وزیرستان میں دو نئے پولیو کیسز کی تصدیق

جنوبی خیبر پختونخوا کے اضلاع لکی مروت اور شمالی وزیرستان میں دو نئے پولیو کیسز کی تصدیق ہوئی ہے۔

محکمہ صحت پشاور کے مطابق رواں سال خیبرپختونخوا میں میں پولیو کے مجموعی کیسز کی تعداد 18 ہو گئی، شمالی وزیرستان کی یونین کونسل میر علی2  کی رہائشی 19ماہ کی بچی میں پولیو وائرس کی تصدیق ہوئی ہے۔

محکمہ صحت پشاور کا کہنا ہے کہ ضلع لکی مروت کی یونین کونسل سلمان خیل کی 11,ماہ کی بچی میں بھی پولیو وائرس کی تصدیق کی گئی ہے، اس سال خیبر پختونخوا میں پولیو کیسز کی تعداد 18 ہو گئی۔

 جن میں ضلع ٹانک, لکی مروت اور شمالی وزیرستان سے چار، چار، بنوں سے تین جبکہ ضلع تورغر, ڈیرہ اسماعیل خان اور کوہستان لوئر سے ایک ،ایک کیس شامل ھے۔

نئے کیسز کے بعد ملک بھر میں پولیو کیسز کی مجموعی تعداد اب 26  ہو گئی جن میں خیبر پختونخوا سے 18, سندھ سے 6 جبکہ پنجاب اور گلگت بلتستان سے ایک، ایک پولیو کیس رپورٹ ہوا۔