ماہر صحت نے گرمیوں میں رات کو پنکھا چلانے سے خبردار کردیا

برطانیہ میں ماہرین نے موسمِ گرما کے آتے ہی شہریوں کو ساری رات پنکھا چلنے کے خطرات سے آگاہ کر دیا۔

پی ایچ ڈی ہیلتھ ایکسپرٹ ڈاکٹر ناہید علی کا اس حوالے سے کہنا ہے کہ ساری رات کمرے کا پنکھا چلنا جسم کو پوشیدہ تنا کا شکار کر سکتا ہے۔

ماہرِ صحت کے مطابق ساری رات پنکھا چلنے سے سائی نس (Sinus) اور گلا خشک ہو سکتا ہے جس سے صبح اٹھ کر لوگوں کو سینہ جکڑے ہونے کی شکایت ہو سکتی ہے۔

اس کے علاوہ رات بھر پنکھا چلنے سے پٹھوں کے اکڑنے اور سینے میں گرد جانے کی شکایت ہوسکتی ہے جس کے سبب دمے یا الرجی میں مبتلا افراد چھینکوں کی زیادتی سے متاثر ہوسکتے ہیں۔

انہوں نے کہا کہ سانس کی نالی کا خشک ہونا گاڑھا بلغم بناتا ہے جس سے حساس بافتوں کے قریب الرجنز پھنس سکتے ہیں۔ وقت کے ساتھ یہ کیفیت کھانسی، آواز کے خراب ہونے یا سائی نس (Sinus) کے بند ہونے کا سبب بن سکتی ہے۔