پاکستان کے 21 اضلاع کے ماحولیاتی نمونوں میں پولیو وائرس کی تصدیق

اسلام آباد : پاکستان کے 21 اضلاع کے ماحولیاتی نمونوں میں پولیو وائرس کی تصدیق ہوئی ہے۔

انسداد پولیو پروگرام کے بیان میں کہا گیا ہے کہ بلوچستان کے8 اضلاع کے ماحولیاتی نمونوں میں پولیو وائرس کی تصدیق ہوئی ہے۔

رپورٹس کے مطابق حب، خضدار، نصیرآباد ،ژوب،نوشکی،لسبیلہ اور ڈیرہ بگٹی کے ماحولیاتی نمونوں میں پولیو  وائرس کی تصدیق ہوئی ہے۔ ان اضلاع  سے ماحولیاتی نمونے 8 سے 23 جنوری کے دوران  حاصل کیے گئے تھے۔

ذرائع کا کہنا ہے کہ بلوچستان کے علاوہ ملک کے 13اضلاع کے ماحولیاتی نمونوں میں بھی پولیو وائرس کی تصدیق  ہوئی ہے۔

صوابی، ٹانک، بہاولپور، ڈی جی خان، اسلام آباد،چارسدہ، پشاور، جھنگ،لاہور، ملتان، رحیم یار خان،کراچی ایسٹ  اور مظفرآبادکے ماحولیاتی نمونوں میں بھی پولیو وائرس کی تصدیق ہوئی ہے۔