پاکستان میں پولیو کا ایک اور کیس رپورٹ

کوئٹہ: پاکستان میں سال 2025 کا چھٹا پولیو کیس سامنے آ گیا ہے۔ 

تفصیلات کے مطابق، سندھ کے ضلع ٹھٹھہ سے پولیو کا ایک نیا کیس رپورٹ ہوا ہے، جس کے بعد صوبے میں رواں سال پولیو کے کیسز کی تعداد چار ہو گئی ہے۔ ملک بھر میں یہ چھٹا کیس ہے۔  

گزشتہ سال 2024 میں پاکستان میں مجموعی طور پر 74 پولیو کیسز رجسٹرڈ ہوئے تھے۔ ان میں سے 27 کیسز بلوچستان، 23 سندھ، 22 خیبرپختونخوا، جبکہ ایک ایک کیس پنجاب اور اسلام آباد سے رپورٹ ہوا تھا۔  

نئے کیس کی تصدیق کے بعد محکمہ صحت نے متاثرہ علاقے میں انسدادِ پولیو مہم کو مزید مؤثر بنانے کا فیصلہ کیا ہے تاکہ اس مہلک وائرس کے پھیلاؤ کو روکا جا سکے۔ محکمہ صحت کے ترجمان کے مطابق، فوری طور پر اضافی ویکسینیشن مہم شروع کی جائے گی اور علاقے میں صحت کے کارکنوں کی تعداد بڑھائی جائے گی۔  

یاد رہے کہ 28 فروری کو سندھ کے ضلع قمبر اور پنجاب کے ضلع منڈی بہاؤالدین سے بھی پولیو کے کیسز رپورٹ ہوئے تھے۔ 

محکمہ صحت کے مطابق، پولیو کے خلاف جنگ میں عوامی تعاون نہایت اہم ہے اور والدین سے اپیل کی گئی ہے کہ وہ اپنے بچوں کو پولیو کے قطرے ضرور پلائیں تاکہ اس وائرس کے خاتمے میں مدد مل سکے۔