دنیا کی سب سے بوڑھی ایئرہوسٹس انتقال کرگئیں

فضائی میزبانی کے پیشے سے وابستہ عمر رسیدہ ایئرہوسٹس 88 برس کی عمر میں دار فانی سے کوچ کرگئیں۔

امریکا سے تعلق رکھنے والی بیٹ نیش نامی ایئرہوسٹس امریکی ایئرلائن کیلیے خدمات انجام دے رہی تھیں، انہوں نے اپنے کیریئر کا آغاز 1975 میں 21 سال کی عمر سے کیا تھا۔

فضائی دنیا میں 70 سال تک ایئرہوسٹس کی حیثیت سے خدمات انجام دینے والی بیٹ نے عمر رسیدہ ایئرہوسٹس کا عالمی ریکارڈ بھی اپنے نام کیا اور گنیز بک آف ورلڈ ریکارڈ میں نام درج کروایا۔

بیٹ نیش چھاتی کے سرطان میں مبتلا تھیں اور کئی روز تک اسپتال میں داخل تھیں، اپنے انتقال تک وہ ریٹائر نہیں تھیں اور انہوں نے آخری روز تک اپنا سفر جاری رکھا۔