ہالی وڈ فنکاروں کا آسکر ایوارڈز میں غزہ میں فوری جنگ بندی کا مطالبہ

ہالی وڈ کے متعددفنکاروں نے آسکر ایوارڈز کی تقریب کے دوران اپنے لباس پر سرخ بیج سجا کر غزہ میں فوری جنگ بندی کا مطالبہ کیا ہے۔

سپر اسٹار مارک ریفلو، گلوکارہ بیلی ایلش، رامی یوسف اور دیگر نے ’آرٹسٹس فار سیز فائر‘ نامی گروپ کی جانب سے سرخ بیج کو پہن کر تقریب میں شرکت کی۔

میڈیا سے گفتگو کرتے ہوئے اس موقع پر رامی یوسف کا کہنا تھا کہ وہ سب فنکار غزہ میں فوری اور مستقل جنگ بندی کا مطالبہ کرتے ہیں۔

اس موقع پر متعدد تنظیموں کی جانب سے تقریب کی جگہ کے باہر احتجاجی مظاہرہ بھی کیا گیا اور فلسطین کی آزادی کے نعرے لگائے گئے۔

واضح رہے کہ آسکر سے قبل یہ سرخ بیج گریمی اور اسکرین گلڈ ایوارڈز کے موقع پر بھی استعمال کیے گئے تھے۔