جنید اکرم نے اپنی پہلی تنخواہ بتا دی، سننے والے بھی حیران

معروف یوٹیوبر اور انفلوئنسر جنید اکرم نے اپنی پہلی تنخواہ بتائی ہے جو انہیں محض 23 برس قبل ملی اور اس کے بارے میں جان کر صارفین حیران رہ گئے ہیں۔

سماجی رابطے کی سائٹ ایکس پر ایک ٹوئٹ پہلی تنخواہ، عمر، ملازمت اور سال کے حوالے سے ایک ٹویٹ صبح سے چل رہا ہے جس کی وجہ سے ایکس پر پہلی تنخواہ ٹرینڈ بھی کررہا ہے۔

اس ٹویٹ پر متعدد صارفین نے جواب دیے جس کے بعد معروف یوٹیوبر جنید اکرم عرف خلیبلی بھی خاموش نہ رہے۔

انہوں نے بتایا کہ 2001 میں پہلی تنخواہ 1200 روپے تھی، جو 18 سال کی عمر میں ٹیوشن پڑھانے سے حاصل ہوئی۔

اسی طرح معروف میزبان اور کامیڈین شفاعت علی نے بتایا کہ اُن کی پہلی تنخواہ چار ہزار روپے تھی جبکہ عمر 20 سال اور ملازمت وائس اوور آرٹسٹ تھی، یہ سال 2006 کا تھا۔

کراچی سے تعلق رکھنے والی معروف اسپورٹس جرنلسٹ فیضان لاکھانی نے بتایا کہ اُن کی پہلی تنخواہ بطور ٹرینی رپورٹر 2500 روپے تھی اور اُس وقت عمر صرف انیس برس تھی۔