محمد یوسف نے کاروبار شروع کردیا، طارق جمیل نے افتتاح کیا

قومی کرکٹ ٹیم کے سابق کپتان اور سلیکٹر محمد یوسف نے ریسٹورنٹ کی دنیا میں قدم رکھ دیا۔

لاہور کے علاقے ڈی ایچ اے فیز 6 میں محمد یوسف نے برگر پویلین کے نام سے فاسٹ فوڈ ریسٹورنٹ کھولا ہے جس کا افتتاح معروف مبلغ مولانا طارق جمیل نے کیا۔

ریسٹورنٹ کے افتتاح کے موقع پر سابق کپتان وقار یونس، سلمان بٹ اور وہاب ریاض بھی موجود تھے۔

محمد یوسف نے اس موقع پر میڈیا سے گفتگو کرتے ہوئے کہا کہ اس فیلڈ میں آنے کیوجہ یہ ہے کہ میرا بھتیجا فاسٹ فوڈ کا اچھا شیف ہے اس لیے تھوڑا سا چانس لیا۔

انہوں نے کہا کہ ساری زندگی کرکٹ کھیلی، اب کوچنگ اور سلیکشن کے ساتھ منسلک ہوں اس لیے کوئی کاروبار یا  کام مجھے آتا نہیں ہے۔ محمد یوسف کا کہنا تھا کہ میرا بیٹا اور داماد مشترکہ طور پر ریسٹورنٹ چلائیں گے، انہیں کوالٹی اور سروس پر توجہ دینے کا کہا ہے۔