مشہور ہونے کے بعد شیراز کا رویہ تبدیل ہوگیا تھا اسلیے وی لاگنگ بند کروا دی، والد

شیراز کو وی لاگنگ دوبارہ کرنے کی اجازت دینے کے حوالے سے ملنے متعدد درخواستوں کے بعد مسکان کے والد نے ایک ویڈیو پیغام جاری کیا جس میں بتایا گیا کہ انہوں نے اپنے بیٹے کو بلاگنگ سے کیوں روکا۔

 ایک ویڈیو پیغام میں شیراز کے والد نے کہا کہ انہوں نے شیراز کے رویے میں تبدیلی دیکھی جب اس نے بلاگنگ شروع کی اور ہم [خاندان] اس عمل میں 'معصوم' شیراز کو کھو بیٹھے اور مشہور ہونے کے بعد اس کا ملنے ملانے کا رویہ بالکل تبدیل ہوگیا ہے، جو ہمارے لیے بہت تکلیف دہ ہے۔

 انہوں نے کہا کہ ان کے اس فیصلے کی دوسری بڑی وجہ یہ تھی کہ وہ چاہتے تھے کہ ان کا بچہ اپنی پڑھائی پر توجہ دے۔

 انہوں نے اپنے بیٹے کی حمایت کرنے پر تمام خیر خواہوں اور ناظرین کا شکریہ ادا کیا۔

اپنے ویڈیو پیغام میں شیراز کے والد نے اشارہ دیا کہ اگر شیراز کے رویے میں تبدیلی آجاتی ہے تو شاید وہ دوبارہ وی لاگنگ کی طرف آ جائے۔

 محمد شیراز، ایک مشہور پاکستانی کڈ ولاگر، اپنے روزانہ گاؤں کے بلاگز کے ذریعے تیزی سے شہرت کی طرف بڑھے، جو پاکستان میں سوشل میڈیا کا سب سے بڑا سنسنی بن گیا۔ بلتستان سے شروع ہونے والا، شیراز کا یوٹیوب چینل، شیرازی ولیج Vlogs، 1.58 ملین سبسکرائبرز کا حامل ہے۔

 اپنے تازہ ترین ویلاگ میں، شیراز نے اعلان کیا کہ وہ روزانہ کی بلاگنگ چھوڑ رہے ہیں۔