سلمان خان نے گھر کی بالکونی میں بلٹ پروف شیشہ لگوا لیا

بھارتی فلم انڈسٹری کے معروف اداکار سلمان خان نے قتل کی دھمکیوں کے بعد ممبئی میں اپنے گلیکسی اپارٹمنٹ کی بالکونی میں بلٹ پروف شیشہ لگوا دیا۔

رپورٹس کے مطابق سلمان خان کو بشنوئی گینگ کی جانب سے متعدد بار قتل کی دھمکیاں موصول ہوئی ہیں، جس کے بعد ان کی سکیورٹی میں بھی اضافہ کیا گیا ہے۔

بالی وڈ اسٹار نے دوست بابا صدیقی کے قتل کے بعد سکیورٹی کے خاص اقدام اٹھائے ہیں اور اب سلمان نے گھر کی مشہور بالکونی پر بلٹ پروف شیشہ لگوالیا۔

دبنگ خان تہوار یا سالگرہ پر اپنے گھر کے باہر جمع ہونے والے مداحوں کا کلیکسی اپارٹمنٹس کی بالکونی میں آکر شکریہ ادا کرتے تھے لیکن اب اس بالکونی پر بھی بلٹ پروف شیشہ لگا دیا گیا ہے۔

رپورٹس کے مطابق سلمان خان کو ریاستی حکومت کی جانب سے وائے پلس کیٹیگری کی سکیورٹی دی گئی ہے اور اس کے علاوہ ذاتی محافظ بھی ان کے اردگرد سائے کی طرح موجود رہتے ہیں۔