یوٹیوبر رجب بٹ کے خلاف پیکا ایکٹ کے تحت مقدمہ درج

لاہور: مشہور یوٹیوبر رجب بٹ کے خلاف ایک بار پھر مقدمہ درج کر لیا گیا ہے تاہم اب کی بار پیکا ایکٹ کے تحت مقدمہ درج کیا گیا ہے۔

تازہ کیس تھانہ نشتر کالونی میں پی اے سی اے ایکٹ (پیکا ایکٹ) کے تحت درج کیا گیا ہے، جس میں جذبات کو مجروح کرنے اور معاشرے میں انتشار پھیلانے کے الزامات شامل ہیں۔  

رجب بٹ کے خلاف پی اے سی اے ایکٹ اور جذبات کو مجروح کرنے کے تحت درج کیا گیا جس میں اُن کے حالیہ پرفیوم لانچ ایونٹ کا تذکرہ بھی ہے۔

پولیس نے مقدمہ درج کرنے کے بعد یوٹیوبر کے خلاف قانون کے مطابق کارروائی کی یقین دہانی کرائی ہے۔

رجب بٹ نے گزشتہ ہفتے اپنے پرفیوم برانڈ کا پرتشدد انداز میں پروموشنل ویڈیو جاری کیا تھا، جس پر سوشل میڈیا پر شدید تنقید ہوئی۔ کئی حلقوں نے اسے "منفی پیغامات پھیلانے" کی کوشش قرار دیا۔  

یہ پہلا موقع نہیں جب رجب بٹ قانونی مشکلات کا شکار ہوئے ہیں۔ اس سے قبل بھی وہ اپنے متنازع ویڈیوز اور بیانات کی وجہ سے خبروں میں رہ چکے ہیں۔

یوٹیوبر کے خلاف 2022 میں ایک ویڈیو پر توہین مذہب، 2023 میں ایک کاروباری شخصیت کے خلاف بدتمیزی کا مقدمہ بھی درج ہوچکا ہے۔

سوشل میڈیا پر ردعمل

رجب بٹ کے حامیوں کا کہنا ہے کہ یہ "صرف کاروباری تشہیر" تھی جبکہ ناقدین اسے "حد سے زیادہ تشدد آمیز مواد" قرار دے رہے ہیں۔  

پولیس نے معاملے کی تفصیلی تحقیقات کا اعلان کیا ہے۔ اگر الزامات ثابت ہوئے تو رجب بٹ کو شدید قانونی نتائج بھگتنا پڑ سکتے ہیں۔