اگلے 10 روز میں کے پی میں گورنر راج کے معاملے پر پیشرفت متوقع، حکومت نے عندیہ دے دیا

حکومت نے خیبرپختونخوا میں گورنر راج کے نفاذ پر سنجیدگی سے غور شروع کردیا اور اس کے لیے اگلے 10 روز انتہائی اہم قرار دیے جارہے ہیں۔

وزیراعظم کے مشیر برائے قانون بیرسٹر عقیل نے بتایا کہ وفاقی حکومت سمجھتی ہے کہ خیبرپختونخوا میں کچھ عرصے کیلیے گورنر راج لگانا ضروری اور مناسب اقدام ہوگا

انہوں نے کاہ کہ گورنر راج کے معاملے پر غور کیا جارہا ہے، اس معاملے پر وزیراعظم کا مؤقف بالکل واضح ہے جبکہ وفاقی کابینہ کے اراکین کی اکثریت بھی کے پی میں گورنر راج کی حامی ہے۔

انہوں نے کہا کہ حکومت نے اس ساری صورت حال میں مختصر وقت کیلیے گورنر راج لگانے پر غور کیا ہے۔ بیرسٹر عقیل نے بتایا کہ پہلے مرحلے میں صوبائی اسمبلی میں قرارداد لانے کی کوشش کی جائے گی اگر ناکامی ہوئی تو پھر وزیراعظم ایڈوائس کے ذریعے صدر مملکت سے گورنر راج کی سفارش کریں گے اور پھر یہ معاملہ پارلیمنٹ کے مشترکہ اجلاس میں جائے گا اور اگلے 10 روز میں اجلاس متوقع ہے۔