میڈیا کو یہ کہنا پسند ہے کہ ایران جیت رہا ہے، ٹرمپ

امریکی صدر ڈونلڈ ٹرمپ نے دعویٰ کیا ہے کہ ایران کا بہت نقصان ہو رہا ہے جبکہ میڈیا کو یہ کہنا پسند ہے کہ وہ جنگ جیت رہا ہے۔

ٹرمپ نے اپنے سوشل پلیٹ فارم ٹروتھ سوشل پر تازہ بیان میں کہا کہ میڈیا  کو یہ کہنا پسند ہے کہ ایران ’جیت رہا ہے جب حقیقت ہر کوئی جانتا ہے کہ وہ بری طرح سے شکست سے دوچار ہے۔‘

صدر ٹرمپ نے ایک بار پھر دعوے کیے کہ ایران کی بحریہ اور فضائیہ ختم ہو چکی ہے اور ان کا فضائی دفاعی نظام بھی مفلوج ہو چکا ہے۔ ریڈار تباہ ہو گئے ہیں، میزائل پروگرام، ڈرون فیکٹریاں اور ڈرونز کو ختم کر دیا گیا ہے اور سب سے اہم بات یہ ہے کہ ان کے بڑے رہنما مارے جا چکے ہیں۔‘

امریکی صدر کا مزید کہنا تھا کہ ’امریکہ اب دُنیا بھر کے ممالک کے حق میں آبنائے ہرمز کو صاف کرنا شروع کر رہا ہے۔‘