13 hours ago
پنجاب میں سیلاب کی تباہ کاریوں سے 30 اموات، 15 ہزار سے زائد متاثر

ویب ڈیسک
|
30 Aug 2025
پنجاب میں سیلاب کی تباہ کاریاں جاری ہیں، جہاں اب تک 30 افراد اپنی جان سے ہاتھ دھو بیٹھے ہیں۔
صوبائی وزیر مریم اورنگزیب نے سیلاب کی تباہ کاریوں کے حوالے سے پریس کانفرنس میں اہم انکشافات کیے انہوں نے بتایا کہ اب تک 15 لاکھ سے زیادہ لوگ متاثر ہوئے ہیں اور 4 لاکھ 81 ہزار سے زائد کو محفوظ جگہوں پر منتقل کیا گیا ہے۔
صوبائی وزیر مریم اورنگزیب نے بتایا ہے کہ تینوں دریاؤں میں سیلابی پانی آنے سے 2038 گاؤں متاثر ہوئے ہیں۔
انہوں نے بتایا کہ متاثرین کی مدد کے لیے 511 ریلیف اور 351 میڈیکل کیمپس قائم کیے گئے ہیں، جہاں 6 ہزار سے زائد** متاثرین موجود ہیں۔
اس کے علاوہ 4 لاکھ سے زیادہ مویشیوں کو بھی محفوظ مقامات پر منتقل کیا گیا ہے اور ان کی دیکھ بھال کے لیے 321 ویٹرنری کیمپ کام کر رہے ہیں۔
انہوں نے مزید بتایا کہ وزیراعلیٰ مریم نواز کی براہ راست نگرانی میں امدادی کارروائیاں جاری ہیں، جس کی بدولت ایک بڑے جانی نقصان سے بچا جا سکا ہے۔
Comments
0 comment