اسلام آباد احتجاج سے قبل پی ٹی آئی اور اسٹیبلشمنٹ میں رابطوں کی تصدیق

پاکستان تحریک انصاف اور اسٹیبلشمنٹ کے درمیان 24 نومبر دھرنے سے قبل رابطے ہوئے اور مذاکرات کا دور بھی چلا تھا۔

ذرائع نے انکشاف کیا ہے کہ 24 نومبرکے دھرنے کی کال کے بعد پی ٹی آئی اور اسٹیبلشمنٹ کے درمیان نہ صرف رابطے ہوئے بلکہ بات چیت بھی ہوئی تاہم فائنل کال مذاکرات میں ڈیڈلاک کی وجہ بنی۔ 

ذرائع کا کہنا ہے کہ 24 نومبر کو احتجاج کی کال پی ٹی آئی لیڈرشپ کیلیےبھی حیران کن تھی جبکہ بانی پی ٹی آئی سنگجانی کے مقام پر دھرنے کے لیےراضی ہوگئےتھے۔

ذرائع کے مطابق دھرنے سے قبل بانی پی ٹی آئی کو مذاکرات کیلیے راضی کرلیا گیا تھ جبکہ وزیر اعلیٰ خیبرپختونخوا اور پی ٹی آئی قیادت مصالحت کا کردار ادا کررہے تھے۔

اسی دوران فائنل کال آئی اور پھر ڈی چوک جانے کا فیصلہ ہوا جس کے بعد پی ٹی آئی اور اسٹیبشلمنٹ کے درمیان فاصلے مزید بڑھ گئے۔