سروے: 75 فیصد افراد کو اپنے پاکستانی ہونے پر فخر ہے

گیلپ کی جانب سے کیے گئے ایک حالیہ سروے میں یہ بات سامنے آئی ہے کہ 75 فیصد سے زیادہ ملک اور خواتین اپنے آپ کو پاکستانی کہلوانے میں 'بہت فخر' محسوس کرتے ہیں۔

غیر سرکاری تنظیم گیلپ کی جانب سے کیے گئے یہ سروے 3 سے 18 جنوری کے درمیان کیا گیا، جس میں پاکستان کے چاروں صوبوں کے شہری اور دیہی علاقوں سے 1023 خواتین و مردوں نے حصہ لیا۔

حصہ لینے والوں سے سوال کیا گیا کہ "آپ خود کو پاکستانی کہنے پر کتنا فخر محسوس کرتے ہیں؟"

اس کے جواب میں تقریبا 77 فیصد پاکستانیوں نے کہا کہ انہیں اپنی قومی شناخت پر فخر ہے جبکہ 15 فیصد ایسے تھے جنہوں نے کم اور 6 فیصد نے کہا کہ انہیں قومیت اور نسل کی بنیاد پر کوئی فخر نہیں ہے۔

سروے کمپنی نے دعویٰ کیا کہ ان کے مطالعے میں غلطی کا مارجن 95 فیصد اعتماد کی سطح پر صرف 2 فیصد ہے۔