74 فیصد پاکستانیوں کا پاک فوج پر اعتماد، 78 فیصد کا پی ٹی آئی کو ووٹ دینے کا اعلان

عالمی نشریاتی ادارے کی جانب سے پاکستانی سیاسی منظر نامے پر کیے جانے والے سروے میں بتایا گیا ہے کہ پاکستان کے تقریباً 74 فیصد نوجوانوں نے ایک ادارے کے طور پر ان کے مجموعی کردار کے لیے مسلح افواج پر اپنے مکمل اعتماد کا اظہار کیا ہے، یہ بات Ipsos کی جانب سے کیے گئے ایک حالیہ سروے میں سامنے آئی ہے۔

 یہ سروے، ’پاکستانی نوجوانوں کی سیاسی شرکت کا منظر نامہ‘، Ipsos فار وائس آف امریکہ (VOA) کی جانب سے 3 جنوری سے 12 جنوری تک کیا گیا۔

 سروے میں 18 سے 34 سال کی عمر کے 2,050 افراد شامل ہوئے۔

جن سے ملک کے مختلف اداروں کے بارے میں ان کی رائے طلب کی گئی۔

 نتائج کے مطابق، 74 فیصد جواب دہندگان نے مسلح افواج پر اعتماد کیا، اس کے بعد 58 فیصد کا بطور ادارہ سپریم کورٹ کا ووٹ رہز۔

 میڈیا پر 54 فیصد، سیاسی جماعتوں پر 50 فیصد، پارلیمنٹ 47 فیصد اور الیکشن کمیشن آف پاکستان پر 42 فیصد اعتماد کیا گیا۔

سروے کے مطابق ہر چار میں سے تین پاکستانیوں کا خیال ہے کہ انتخابات ملک کو صحیح سمت میں لے جائیں گے اور 3 میں سے 2 کو امید ہے کہ انتخابات آزادانہ اور منصفانہ ہوں گے۔ مزید یہ کہ 88 فیصد کا خیال ہے کہ ان کا ووٹ اہم ہے۔

 تقریباً 68 فیصد جواب دہندگان نے کہا کہ وہ سمجھتے ہیں کہ کسی بھی تنظیم کے لیے انتخابات میں مداخلت کرنا ناممکن ہے۔

 جب پاکستانی انتخابات میں غیر ملکی مداخلت کے بارے میں سوال کیا گیا تو 27 فیصد نے امریکا اور 7 فیصد نے انتخابات میں بھارت کی مداخلت کے بارے میں شکوک کا اظہار کیا۔

 سروے میں مزید انکشاف ہوا کہ 5 میں سے 3 پاکستانی سمجھتے ہیں کہ سیاسی رہنما ان کے مسائل یا ترجیحات کو نہیں سمجھتے۔

 سروے کے مطابق، 78 فیصد جواب دہندگان نے کہا کہ وہ اسی پارٹی کو ووٹ دیں گے، جو انہوں نے 2018 کے انتخابات میں کیا تھا، جب کہ 22 فیصد نے اپنی پسند کی پارٹی کو تبدیل کرنے کا ارادہ کیا۔