عافیہ صدیقی نے جوبائیڈن سے معافی کی اپیل کردی

امریکا کی جیل میں قید پاکستانی بیٹی ڈاکٹر عافیہ صدیقی نے امریکی صدر جو بائیڈن سے تحریری خط لکھ کر صدارتی معافی کی اپیل کردی۔

بین الاقوامی میڈیا رپورٹ کے مطابق عافیہ صدیقی نے اپنی اپیل میں جوبائیڈن سے استدعا کی کہ وہ صدارتی عہدہ چھوڑنے سے قبل معافی کا اعلان کردیں۔

عافیہ صدیقی نے اپنی اپیل میں لکھا کہ وہ ناانصافی کا شکار ہوئیں اور رہائی کیلئے پرامید ہیں، انہیں توقع ہے کہ معزز صدر اپنا عہدہ ختم ہونے سے پہلے ایگزیکٹیو آرڈر جاری کر کے معاف کردیں گے۔

یاد رہے کہ ڈاکٹر عافیہ کو امریکی عدالت نے دہشت گردوں کی معاونت کے الزام میں 86 برس قید کی سزا سنائی تھی، جس کے بعد سے وہ امریکا کی جیل میں ہیں۔

جوبائیڈن نے حال ہی میں متعدد قیدیوں کو معافی دینے کا اعلان کیا اور امریکا کی تاریخ میں پہلی بار کسی بھی صدر نے غیر ملکیوں سمیت 1 ہزار سے زائد قیدیوں کی رہائی کا پروانہ جاری کیا تھا۔