بھٹو کو سرکاری شہید اور اعلی سول ایوارڈ دینے کی قرارداد قومی اسمبلی میں منظور

قومی اسمبلی میں ذوالفقار علی بھٹو کی سزائے موت کو غیر قانونی قرار دینے اور سرکاری شہید قرار دینے کی قرارداد منظور کر لی گئی۔

قومی اسمبلی میں پیش کی گئی قرارداد میں لکھا گیا ہے کہ صدر زرداری نے ریفرنس فائل کیا اور بلاول بھٹو زرداری نے اس کی پیروی کی، سپریم کورٹ کی رائے دینے پر اسے مبارکباد دیتے ہیں۔ 

قرارداد میں مطالبہ کیا گیا ہے کہ غیر منصفانہ فیصلہ بدلا جائے اور بھٹو کو سرکاری طور پر شہید قرار دے کر اعلیٰ ترین سول ایوارڈ نشان پاکستان دیا جائے۔

اس کے علاوہ جمہوریت کے لیے جان قربان کرنے والے کارکنان کے لئے نشان ذوالفقار علی بھٹو ایوارڈ قائم کیا جائے۔