ڈی ایچ اے کراچی سے 55 کروڑ کی اسمگل ہیوی بائیکس برآمد

پاکستان کسٹمز انفورسمنٹ کراچی نے بالترتیب 55 کروڑ اور 51 لاکھ روپے مالیت کی اسمگل شدہ ہیوی بائیکس اور نان کسٹم پیڈ گاڑیاں برآمد کرلیں۔

 پاکستان کسٹمز انفورسمنٹ کراچی نے انسداد اسمگلنگ مہم کے تحت تین مختلف علاقوں میں چھاپے مارے۔ حساس ادارے کی معلومات کی بنیاد پر کسٹم انفورسمنٹ نے صدر، ڈی ایچ اے فیز I اور ملیر کینٹ کے گوداموں پر چھاپے مارے۔

 ڈپٹی کلکٹر کسٹمز انفورسمنٹ رضا نقوی نے بتایا کہ صدر اور ڈی ایچ اے فیز I کے دو گوداموں سے اسمگل شدہ ہیوی اسپورٹس بائیکس اور نان کسٹم پیڈ گاڑیاں برآمد کی گئیں۔ 

ملیر کینٹ سے 264.2 ملین روپے کی ادائیگی شدہ گاڑیاں برآمد کی گئیں۔ انہوں نے کہا کہ برآمد شدہ موٹر سائیکلیں اور گاڑیاں کسٹم اے ایس او کے گودام میں منتقل کر دی گئی ہیں۔