ذی القعد کا چاند نظر آگیا

پاکستان کے مختلف علاقوں میں شوال کا مہینہ ختم ہوتے ہی ذی القعد کا چاند نظر آگیا۔

تفصیلات کے مطابق ذی القعدہ 1446 ہجری کا چاند دیکھنے کیلیے مرکزی رویت ہلال کمیٹی کا اجلاس اسلام آباد جبکہ زونل کمیٹیوں کے اجلاس کوئٹہ، کراچی، پشاور، لاہور، راولپنڈی سمیت دیگر شہروں میں ہوئے۔

اجلاس کے بعد میڈیا سے گفتگو کرتے ہوئے چیئرمین رویت ہلال کمیٹی نے بتایا کہ ملک کے مختلف علاقوں سے زی القعد کا چاند نظر آنے کی شہادتیں موصول ہوئیں۔

انہوں نے کہا کہ اتفاق رائے سے یہ طے پایا ہے کہ کل پاکستان میں یکم ذی القعد ہوگی۔