دوران عدت نکاح کیس، فیصلے کے عین وقت پر خاور مانیکا کا جج پر عدم اعتماد

خاور مانیکا نے عمران خان اور بشری بی بی کیخلاف دوران عدت نکاح کیس کی سماعت کرنے والے جج پر عدم اعتماد کا اظہار کردیا۔

درخواست گزار کے عدم اعتماد پر جج نے کیس منتقل کرنے کیلیے ہائیکورٹ کو خط ارسال کردیا۔

ڈسٹرکٹ اینڈ سیشن جج شاہ رخ ارجمند کی جانب سے عدت کے دوران نکاح کیس میں عمران خان اور بشریٰ بی بی کی سزا کے خلاف اپیل پر محفوظ کیا گیا فیصلہ آج سنایا جانا تھا۔

تاہم سماعت شروع ہوتے ہی خاور مانیکا اور ان کے وکیل رضوان عباسی عدالت آئے اور خاور مانیکا نے عدالت میں کہا کہ میں آپ سے فیصلہ نہیں کروانا چاہتا، مجھے لگتا ہے آپ انفلوئنس ہوئے پڑے ہیں، آپ فیصلہ نہ دیں۔

 خاور مانیکا نے دوران سماعت اپنا وکیل تبدیل کرنے کی استدعا کردی اور جج پر عدم اعتماد کا اظہار کیا اور بات کرنے اجازت چاہی تاہم جج نے ریمارکس دیے کہ آپ کے وکیل بات کریں

گے۔